ЧОЖА ПЕТАС ВИЛЬ «БУКВАРЬ»

Коми-Пермяцкöй округись образованнёын уджаліссезöс зорöтан институтын лöсьöтöны виль букварь. Уджалöны сы вылын кыдз велöтіссез-практиккез, сідз и методисттэз да нельки наукаын уджаліссез. Öтласа уджын аркмö виль бытшöм велöтчан небöг, кöда сьöрті челядёк пондас велöтны коми-пермяцкöй кыв.

Медодз юöртам, что букварьлöн виль изданнё лöсьöтчö Пермскöй крайись образованнёлöн Министерство вöзйöм сьöрті да образованнё зорöтöмлöн Пермскöй институт корöмöн. Сы вотöдзся букварь петаліс 2011 воö. Сэксянь чулаліс дас год, и, поди, кинкö шуас, мыйлö колö вильсьöтны учебниксö. Но букварь лöсьöтіссезлöн эта вылö асланыс дзар. Öткö, вежсьö кад, мöдкö, вежсьöны образовательнöй стандарттэз да требованнёэз, а куимöткö, дас годнас учебникыс важмис, бырис, и гигиеническöй требованнёэз сьöрті колö виль. Но сідзкö позис бы лэдзны торья тираж, а не лöсьöтны виль учебниксö. И эта вылö авторрезлöн тожö эм очавидзöм: чулалöм дас годнас мукöд иллюстрацияыс важмис, челядьлöн дзар вежсьö, сійöн уна текст да серпас колö адаптируйтны öння олан дынö.

Медодз институт бердын вöлі чукöртöм авторскöй коллектив методист Валентина Федосеева кипод увтын. Сэтчö пырисö велöтіссез-практиккез Антонина Нечаева да Людмила Павлова. Курируйтіс уджсö Татьяна Меркушева, институтісь юралісьöс вежись, филология наукаэзлöн кандидат.

— Мийö бытшöма видзöтім одззася изданнё, кöда петліс 2011 воö, мый сэтöн вöлі ни, мый колö вежны-содтыны иллюстративнöй да текстовöй материаллэзын, методическöй аппаратын, и эта бöрын вöлі гижöма концепция. Одзлань подндöтім удж, — баитö Татьяна Николаевна.

Принцип, кöда вöлі лöсьöтöма 2011 годся изданнёын, кольччис. А этö – листбоккез, кöдна лöсялöны лыддьöтісь челядёклö и нылö, кин только велöтчöм тöдны букваэз. Пытшкöс (содержаннё) сьöрті букварьыс ёна эз вежсьы, Сідз жö, кыдз и одззася букварьын, пыртöмöсь кывбуррез, дженытик висьттэз. Ны сьöрті позьö не только велöтны букваэз, но и тöдны коми-пермяккезлісь ассямасö, быдлунся олансö. Букварь лöсьöтöм культурологическöй принцип сьöрті, медбы челядь тöдсасисö коми-пермяккезлöн культураöн: сёянöн, паськöмöн, важ кыввезöн, кыдз нинкмм, суса, пестер да сiдз одзлань.

Букварь – этö велöтчисьлöн медодзза книга, кöда сьöрті сія не только пондöтчö велöтны букваэз, а сэсся лыддьöтны, но и велöтны ас гöгöрся олан. Сійöн, букварьö пыртöм уна познавательнöй да занимательнöй материал: юржугданнэз, пословицаэз, поговоркаэз, приметаэз, чожабаитаннэз и с.о. А произведеннеэз бöрйöмась сэтшöмöсь, медбы нія нуöтісö тöдмалан да зорöтан виззез да вöлісö бытшöмöсь кыв ладорсянь. Паськыта удж муніс лексика вылын, быд буква вылö аслас тема. Кöр, шуам, челядь пондöтöны велöтны «Д» шыпас, нія тöдсасьöны Кудымкаркöт да Кудым-Ошлöн скульптураöн. Кöр велöтсьö «П» шыпас, челядь тöдсасясö Пармакöт, пистик да пикан сёяннэзöн.

Букварьö пырисö и виль тексттэз, кöдна öння челядьлö вежöртанаöсь, и классиккезлöн, кöднö эз вермы вежны кад, шуам, Василий Климовлöн «Ме рисуйта», «Кöчлöн гöснеч». Кöть эна кывбуррез вылын быдмис не öтік ни поколеннё, нія сё сідз жö бытшöма да лайкыта небзьöтöны пельшы.

Виль букварь вылын удж топа муніс куим месяц сьöрна. Авторскöй коллектив лöсьöтіс содержаннё, а художник Татьяна Баяндина рисуйтіс иллюстрацияэз. Öння кадö учебник лöсьöтöм, рецензенттэз пуктісö ассиныс дон, и чожа букварьлöн рукопись лоас сетöм типографияö. Челядь вермасö тöдсасьны виль велöтчан небöгöн чож кадö.

Справка:

Букварь лöсьöтöм нія челядь понда, кöдна лыддьöны коми-пермяцкöй кывсö роднöй кылöн. 2020-2021 учебнöй годö Коми-Пермяцкöй округись школаэзын коми-пермяцкöй кыв велöтіс 140 морт. Программаыс букварь сьöрті лöсьöтöма неделянас кык час понда. Но мукöд школаас букварь велöтöмлö сетсьö етша кад – 0,5-1 час. Сійöн, кыдз шуöны авторрез, 17 часöн оз позь велöтны 35 коми-пермяцкöй буква. Думайтсьö, что виль букварь сьöрті велöтчöмлö пондас сетчыны унажык кад.

В Коми-Пермяцком институте повышения квалификации работников образования создают новый букварь. Над ним работают как учителя-практики, так и методисты и даже научные работники. В совместной работе создаётся новое красивое учебное пособие, по которому ребёнок будет изучать коми-пермяцкий язык.

Прежде всего скажем, что новое издание букваря готовится по заказу Министерства образования Пермского края. До этого букварь выходил в 2011 году. С тех пор прошло десять лет и, наверное, кто-то скажет, зачем же обновлять учебник? Но у составителей букваря на это свой взгляд. Во-первых, меняется время, во-вторых, изменяются образовательные стандарты и требования, а в-третьих, за десять лет учебники обветшали, попортились и по гигиеническим требованиям нужны новые. Но, если так, можно было бы выпустить отдельный тираж, а не готовить новый учебник. И на это у авторов тоже готов аргумент: за прошедшие десять лет некоторые иллюстрации устарели, изменились взгляды детей, поэтому многие тексты и картинки нужно адаптировать к современной жизни.

Сначала в институте был создан авторский коллектив под руководством методиста Валентины Федосеевой. В его состав вошли учителя-практики Антонина Нечаева и Людмила Павлова. Курировала работу Татьяна Меркушева, заместитель директора института, кандидат филологических наук.

– Мы хорошо рассмотрели предыдущее издание, которое вышло в 2011 году, что в нём уже было, что нужно заменить или дополнить в иллюстративном и текстовом материале, методическом аппарате, и после этого была составлена концепция. Далее началась работа, – гогворит Татьяна Николаевна.

Принцип, по которомубыло создано издание 2011 года, сохранился. А это– страницы, которые подхотят и детям, которые уже умеют читать, и тем, кто только начал знакомиться с буквами.

По содержанию букварь не сильно изменился. Так же, как и в предыдущий букварь, в него вошли стихотворения, короткие рассказы. По ним можно не только выучить буквы, но и познакомиться с повседневной самобытной жизнью коми-пермяков. Букварь построен по культурологическому принципу, чтобы дети знакомились с  коми-пермяцкой культурой – едой, одеждой, старыми словами, такими как нинкöм (лапоть), суса (челнок), пестер (короб, кузовок) и так далее.

Букварь – это первая книга ученика, по которой он начинает не только учить буквы, а потом читать, но прознавать окружаюжий мир. Поэтому в букварь включено много познавательных и занимательных материалов: головоломки, пословицы, поговорки, приметы, скороговорки и так далее. А произведения подобраны так, чтобы они вели по путям познания и развития и были хороши с точки зрения языка. Объёмная работа проведена над лексикой, на каждую букву – своя тема. Когда, скажем, дети начинают учить букву «Д», они знакомятся с Кудымкаром и скульптурой Кудым-Ошу. Когда изучается буква «П», дети знакомятся с «Пармой», блюдами из пистиков и пикана (сныти).

В букварь вошли и новые тексты, понятные современным детям, и произведения классиков, над которыми не властно время, скажем, «Я рисую», «Заюшкин подарок» Василия Климова. Хотя на этих стихах выросло уже не одно поколение, они всё так же красиво и мягко ласкают слух.

Работа над новым букварём интенсивно шла в течение трёх месяцев. Авторский коллектив создавал содержание, а художник Татьяна Баяндина рисовала иллюстрации. Сейчас учебник создан. Рецензенты дали ему свою оценку и скоро рукопись букваря будет сдана в типографию. Дети скоро смогут ознакомиться с новым учебником.

Справка:

Букварь создан для тех детей, которые считают коми-пермяцкий язык родным. В 2020-2021 учебном году в школах Коми-Пермяцкого округа коми-пермяцкий язык изучало 140 человек. Программа по букварю составлена из расчёта по два часа в неделю. Но в некоторых школах на изучение букваря даётся мало времени – 0,5-1 час. Поэтому, как говорят авторы, за 17 часов невозможно выучить 35 коми-пермяцких букв. Думается, что на обучение по новому букварю будут выделять больше времени.