Виль ним: Анна Гурина

Хозяйствоын ковсяс

Пантасисӧ кыдзкӧ посад остановка вылын Марпа да Ӧгаш.  Ӧтыс  Кудымкарӧ мунӧ, мӧдыс Кудымкарсянь локтӧ. Важын ни кык модзанка эз адззисьлӧ, ӧдззисӧ баитчыны. А сэсся Ӧгашыс лэдзис ассис «патефонсӧ», пондіс висьтасьны, кыдз ветлӧма Кудымкарӧ босьтасьны.

— Муні тай асывнас Кудымкарас, мыся, босьтася ноко ӧті-мӧді по-козяйству. Вакзаввас юаси, где, мыся, тут козяйственный магазин. Кытшӧмкӧ инька туйдӧтіс менӧ: мун пӧ веськыта да токо туй поперегав, сэтӧн и эм. Но ме и муні.  Казялі магазиннэз. Пыри,  кӧда медматын. Видзӧта, сякӧйыс ӧшавӧ, берсяыс прилавоккезвас куйвӧ и музыка орсӧ. Мыся, деталь на «Дружбу» бы надо, сломался. А продавшицаыс и шуӧ, у нас пӧ деталь только на любовь есть, а на дружбу пӧ нету. Но мыся, вай, поди  пилитны пессӧ туяс.

— Мый, сетіс? — юалӧ Марпаыс модзанкаыслісь.

— Сетіс, каттис кильӧ — этадз шуис инькаыс  магазинісь кулёкез,- да корбкаӧ сюйыштіс. Кӧзяинӧ поди оз примит, оз и вӧсяв поди.  Но, кывзы сэсся… Видзӧта, магазинас плеть ӧшавӧ.  Ме и горӧтчи сэтчӧ, мыся, зонӧ пастукӧн уджавӧ, да плетьыс пыр колӧ, ноко сійӧ эшӧ меным каттьышт. Да рочӧн каспӧвті: «Пусть сын-то плеткой тёлок гоняет». Продавшицаыс видзӧтыштіс, серӧмтчыштіс, да каттис бӧра коробкаокӧ. А сэсся и чепь, — видзӧта,- ӧшавӧ, свиттявӧ. Ноко, мыся, вай меным, да бӧра веськӧті: «А то Миронко-то кодит на строну менам». Ме куканьӧс шуи. Нывкаыс сэтчӧ чуть дульнас эз виньды, но чепсӧ сетіс. Видзӧта витринаввас — банкаокын мазь кодь. Ме и юави, мыся, пойдет мӧс вӧра мазать? Сія эз вежӧрт, да рочӧн эшӧ шуи: «Сиськи мазать пойдёт»? Продавецыс пыльс серӧмтчис, вообще-то пӧ это не сиськи мазать…  И оз висьтав, мый мавтны. Но оз дак абу жаль, ме эшӧ сэсся юави: мыся, кринки продают здесь? Менам дзикӧдз потласис ни. Сія меным шуӧ, кринки пӧ нету, есть пӧ стринги, а ме ог тӧд мый сія, да эг ни понды тшӧктыны мыччавны. И сідз ни кульыштіс товарӧ понда джын пенсияӧс. Но зато мый ковис козяйствоын, быдӧс босьтаси.  Кытчӧдз инькаыс быздӧ-висьтасьӧ, Марпалӧн автобус мыччисис. Сія ӧмалӧ модзанкасӧ:

— Дак висьтав инӧ, кытӧн сэтшӧм бур магазиныс,  меным тожӧ чеппес да мый да ковӧны.

— Дак вакзав дынсяняс сэтӧн и эм… Токо уна нія, магазиннэс, а эта «Секс-шоп» шусьӧ.

Эта вылын инькаэс янсӧтчисӧ. Ӧгаш оськаліс гортас, а Марпа пуксис Кудымкарскӧй автобусӧ, муніс «секс-шопын» по-козяйству босьтасьны.


Комментарии: